Dýshanbede sý festıvali ótti
ASTANA. KAZINFORM — Dýshanbe qalasynda ótken 4-shi halyqaralyq sý konferentsııasy aıasynda «Sý festıvali» uıymdastyryldy, dep habarlaıdy Kazinform agenttiginiń menshikti tilshisi.
Festıvaldiń negizgi maqsaty — sýdyń adam ómiri úshin asa mańyzdy resýrs ekenine jáne muzdyqtardyń taza aýyz sýdyń basty kózi retindegi mańyzyna qoǵam nazaryn aýdarý.
Іs-shara barysynda sý resýrstaryn uqypty ári jaýapkershilikpen paıdalaný jáne olardy bolashaq urpaq úshin saqtaý qajettiligine erekshe mán berildi.
Navrýzgoh mádenı-oıyn-saýyq parkinde konferentsııa qonaqtary men qatysýshylaryna Tájikstannyń tarıhy men mádenıeti tanystyryldy.
Baǵdarlama aıasynda halyqtyq qolóner kórmesi, tájik halqy men álem halyqtarynyń ulttyq taǵamdary usynylyp, eldiń tanymal óner sheberleriniń qatysýymen kontserttik baǵdarlama ótti.
Festıvalge Dýshanbe qalasynda akkredıttelgen dıplomatııalyq ókildikter de belsendi qatysty.
Ár memleket óz mádenıetiniń ereksheligin tanystyryp, qonaqtarǵa ulttyq turmys-tirshiligi men dástúrlerin kórsetýge múmkindik berdi.
Buǵan deıin Dýshanbe qalasynda ótetin tórtinshi halyqaralyq sý konferentsııasyna 30-dan astam elden 2,5 myńnan asa delegat qatysatyny habarlanǵan edi.
Aıta ketelik Tájikstan Avıtsenna atyndaǵy halyqaralyq syılyq taǵaıyndaǵan edi.
