Dýshanbede «Muzbalaq» anımatsııalyq fılmi kórsetiledi

DÝShANBE. QazAqparat - 22 jeltoqsanda Tájikstannyń astanasy – Dýshanbe qalasyndaǵy Kıno úıinde («Zebýnnıso» kınoteatry) Dýshanbede «Muzbalaq» tolyqmetrajdy anımatsııalyq fılmi kórsetiledi, dep habarlaıdy QazAqparat Qazaqfılm kınostýdııasyna silteme jasap.

15 jeltoqsanda Tájikstan jáne Qazaqstan kınematografıster odaqtarynyń yntymaqtastyǵy sheńberinde rejısser Ermek Tursynovtyń «Kelin» fılmi kórsetildi.

On jyl buryn shyqqan fılmniń negizgi oqıǵasy bizdiń dáýirimizdiń III-IV ǵasyrlaryndaǵy kezeńdi sýretteıdi (ıslam dáýirine deıingi kezeń). Únsiz túsirilgen kınotýyndyny tamashalaǵan kórermender óz oılaryn ortaǵa saldy. Keshti tájiktiń belgili kınotanýshysy Sadýllo Rahımov júrgizdi.

Aıta ketsek, osy yntymaqtastyq sheńberinde 22 jeltoqsanda Kıno úıinde jaqynda ǵana Izraılden jeńispen oralǵan «Muzbalaq» tolyqmetrajdy anımatsııalyq fılmi kórsetiledi. Qazaqtyń ǵasyrlar boıy qalyptasqan saıatshylyq mádenıeti týraly syr shertetin bul anımatsııalyq týyndy búrkit pen adamnyń dostyǵy týraly baıandaıdy.

Bul fılmderdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen.