Dýshanbede kómir tútininen ýlanǵan bir otbasynyń 6 múshesi qaıtys boldy

ASTANA. KAZINFORM – Dýshanbede ystan ýlanǵan alty adamnan turatyn otbasy qaıtys boldy. Bul týraly TASS aqparat agenttigi jazdy. 

«Bir otbasynyń alty múshesi ıis tıip qaıtys boldy», - delingen habarlamada.

Vedomstvonyń málimetinshe, qaıǵyly oqıǵa 28 aqpanǵa qaraǵan túni Dýshanbeniń soltústigindegi Fırdoýsı aýdanynda bolǵan. Jaısyz habar týraly jedel járdem qyzmetine kórshileri habarlaǵan. 

Asia-Plus portalynyń habarlaýynsha, úıden 6 men 11 jas aralyǵyndaǵy tórt bala men olardyń ata-anasynyń múrdesi tabylǵan.