Dýshanbede qazaqstandyq jaýyngerlerdiń eskertkishine gúl shoqtaryn qoıý rásimi ótti
Іs-sharaǵa Tájikstan Respýblıkasy Qarýly Kúshteriniń Bas shtabynyń basshylyǵy, Tájikstan ardager-ınternatsıonalıster odaǵynyń, elshilikterdiń áskerı attashe ókilderi, Shekara qyzmetiniń ardagerleri, jergilikti BAQ, Qazaqstannyń Tájikstandaǵy Elshiliginiń qyzmetkerleri men olardyń otbasy músheleri qatysty.
Qazaqstannyń Tájikstandaǵy Elshisi Nurlan Seıtimov óz sózinde, ómirlerin qııa otyryp, qazaqstandyq jaýyngerler áskerı boryshtaryn batyrlyqpen oryndap, áskerı anttaryna adal bolyp qalǵandaryn atap ótti. Elshi qurbandardy este saqtap otyrǵan tájik halqyna alǵysyn bildirip, «Qazaqstan óz batyrlaryn árdaıym joǵary dáripteıdi» dep málimdedi.
Tájik tarapynan sóıleýshiler qaza tapqan qazaqstandyq jaýyngerler ózderi qorǵaǵan tájik halqynyń jadynda máńgi saqtalatynyn atap kórsetti. Sondaı-aq Tájikstandaǵy qıyn jyldary qoldaý bildirgeni úshin qazaq halqyna jáne onyń basshylyǵyna zor rızashylyqtaryn jetkizdi.