Dýshanbede Qazaqstan-Tájikstan úkimetaralyq komıssııasynyń otyrysyna daıyndyq pysyqtaldy

ASTANA. KAZINFORM – Qazaqstannyń Tájikstandaǵy Elshisi Ýálıhan Tórehanov Tájikstannyń Investıtsııalar jáne memlekettik múlikti basqarý jónindegi memlekettik komıtetiniń tóraǵasy Sýlton Rahımzodamen kezdesý ótkizdi.

Kezdesý barysynda taraptar Dýshanbede ótetin Ekonomıkalyq yntymaqtastyq jónindegi úkimetaralyq komıssııanyń aldaǵy 18-shi otyrysyna daıyndyq máselelerin, sondaı-aq Úkimetaralyq komıssııanyń aldyńǵy otyrysynda qol jetkizgen ýaǵdalastyqtardyń júzege asyrylý barysyn talqylady.

Qazaqstan men Tájikstan arasyndaǵy saýda-ekonomıkalyq ózara is-qımyldy odan ári damytý, ekijaqty taýar aınalymyn arttyrý úshin ártúrli salalarda birlesken ınvestıtsııalyq jobalardy ilgeriletý, sondaı-aq ınvestıtsııa salasyndaǵy is-sharalarǵa qatysý máseleleri qozǵaldy.