Dýshanbede kartop festıvali ótip jatyr
ASTANA. KAZINFORM – Pıramıdalar, kilem panelderi, janýar músinderi jáne kartoptan jasalǵan músinsheler. Tájikstan astanasynda kartop pen odan jasalǵan taǵamdardyń dástúrli festıvali ótip jatyr, dep habarlaıdy Kazinform agenttiginiń menshikti tilshisi.
Sórelerde túrli tústi jáne kólemdegi kartoptar bar. Kókónisti osy jerden eki ese arzan baǵaǵa satyp alýǵa bolady.
Eldiń túkpir-túkpirinen kelgen fermerler Dýshanbege kartoptyń eń jaqsy sorttaryn ákelgen. 400 tonna ónim satylymǵa qoıyldy.
Festıval qonaqtary tek satyp alyp qana qoımaı, sonymen qatar qýyrylǵan, qaınatylǵan, ezilip pisirilgen kartoptyń, salattardyń, sambýsa jáne tipti kartop kebabtarynyń dámin tata alady.
Bul mereke el prezıdentiniń bastamasymen paıda bolǵan. Sebebi bul ónim Tájikstanda óte tanymal.
Tájikstanda kartopty et pen nan sııaqty jaqsy kóredi. Elde jyl saıyn 1 mıllıon tonnaǵa deıin kartop ósiriledi.
Buǵan deıin Tájikstanda Mehrgon egin jınaý merekesi qalaı toılanatynyn jazǵan bolatynbyz.