Dýshanbede Qanysh Sátbaevqa memorıaldy taqta ashyldy

DÝShANBE. QazAqparat - Tájikstan Ǵylym akademııasy Geologııa ınstıtýtynda qazaq ǵalymy Qanysh  Sátbaevqa arnalǵan memorıaldy taqta ashyldy, dep habarlaıdy QazAqparat.

«Tájikstan Respýblıkasy Ǵylym akademııasynyń Geologııa ınstıtýtynda Tájikstan  Ǵylym akademııasynyń birinshi sheteldik qurmetti múshesi, kórnekti qazaq ǵalymy Qanysh Sátbaevtyń qurmetine memorıaldy taqtanyń ashylý saltanatty ótti. Ol  tájik Ǵylym akademııasynyń qyzmetin, Ortalyq Azııanyń geologııa ǵylymyn uıymdastyrýǵa zor úles qosqan», - delingen Qazaqstannyń Tájikstandaǵy elshiligi taratqan aqparatta.

Saltanatty sharda sóz sóılegen  Qazaqstan Elshisi Nurlan Seıtimov ǵylym salasyndaǵy qazaq-tájik baılanystarynyń aldaǵy ýaqytta da retimen damı túsetindigine senim bildirdi. Sonymen qatar Qazaqstan Elshiliginiń Qanysh Sátbaevty tájik jerinde máńgi este qaldyrý týraly usynysyna qoldaý jasaǵan Tájikstan bıligine rızashylyǵyn bildirdi.

Al Tájistan ǴA vıtse-prezıdenti H.Mýmınov Q.Sátbaevtyń tájik jerindegi qyzmetine joǵary baǵa berdi. Eki el ǵalymdarynyń búgingi býyny da ǵylym salasyndaǵy tyǵyz baılanysty   jalǵastyryp kele jatqanyn aıtty.
 

Sharaǵa  Tájikstan ǴA basshylyǵy, ǵylymı qoǵamdastyq, «Qazaqstan-Tájikstan» dostyq qoǵamy jáne qazaq dıasporasynyń ókilderi qatysty.