Dýshanbede Qanysh Sátbaevqa eskertkish taqta ornatylady
Elshilik baspasóz qyzmetiniń habarlaýynsha, Seıtimov kezdesý barysynda Qazaqstannyń qazirgi kezeńdegi damýynyń negizgi basymdyqtary jaıynda keńinen sóz qozǵady. Sonymen qatar Qazaqstandaǵy bılik tarmaqtary arasyndaǵy ókilettikterdi qaıta bólý máseleleri jónindegi QR Prezıdenti Nursultan Nazarbaevtyń halyqqa úndeýi men «Qazaqstannyń úshinshi jańǵyrýy: jahandyq básekege qabilettilik» atty Joldaýynyń negizgi mazmunymen tanystyrdy.
Áńgimelesý barysynda taraptar eki el ǵalymdarynyń ǵylymı mańyzdy ortaq zertteýleri jaıynda pikir almasty. Osy oraıda Rahımı Tájikstannyń astrofızıka jáne seısmologııa salasynda úlken tájirıbesi bar ekenine nazar aýdartty.
Al Qazaqstan Elshisi áıgili geolog, Qazaq KSR Ǵylym akademııasynyń negizin qalaýshy, Tájik KSR Ǵylym akademııasynyń tuńǵysh qurmetti múshesi Qanysh Sátbaevtyń Tájik KSR Ǵylym akademııasyn ashýǵa tikeleı atsalysqanyn basa aıtty. Sondyqtan Seıtimov Farhod Rahımıge baýyrlas memlekettiń jas urpaqtary akademık Qanysh Sátbaevty máńgi este saqtaýy úshin Tájikstan Ǵylym akademııasy ǵımaratyna ǵalymnyń eskertkish taqtasyn ornatý týraly usynys jasap, ol qoldaý tapty.
Suhbat sońynda qazaqstandyq dıplomat Farhod Rahımıge kezdesý úshin alǵysyn bildirip, Qazaqstan men Tájikstannyń ǵylym salasyndaǵy yntymaqtastyǵynyń odan ári nyǵaıýyna senimin bildirdi.
