Dýshanbede álemdegi eń bıik týtuǵyr ornatylady
ASTANA. 24 qarasha. QazAqparat - Tájikstan astanasynda álemdegi eń bıik týtuǵyr ornatylady, onyń bıiktigi 165 metrdi quramaq, dep habarlaıdy "Azııa-Plıýs" aqparat agenttigi.
Búgin, 24 qarashada, Tájikstanda ótkizilgen Tý kúninde bolashaq qurylys nysanynyń irgetasyna bolashaq urpaqqa arnalǵan joldaý salynǵan kapsýla salyndy. Onyń respýblıka prezıdenti Emomalı Rahmon saldy.
Týtuǵyrdy 2011 jyldyń naýryzynda Ult saraıynyń janynda ornatý josparlanyp otyr. Onda kólemi 30/60 metrlik jalaý ilinetin bolady.
Qurylys-montaj jumystary osy sekildi qurylystardy salýmen aınalysatyn Trident Support kompanııasyna tapsyryldy.
Qazirgi ýaqytta Bakýde ornatylǵan týtuǵyr álemdegi eń bıik dep sanalady. Onyń bıiktigi 162 metrdi quraıdy.
