Dýshanbe sammıt pen «Ortalyq Azııa — Reseı» kezdesýine qalaı daıyndalyp jatyr
DÝShANBE. KAZINFORM — Dýshanbe Táýelsiz Memleketter Dostastyǵy elderiniń basshylary sammıti men «Ortalyq Azııa — Reseı» kezdesýin ótkizýge daıyndalyp jatyr. Osy mańyzdy saıası oqıǵalar qarsańynda Tájikstan astanasy túrlenip, qala turǵyndary men qonaqtaryna merekelik kóńil kúı syılady, dep habarlaıdy Kazinform agenttiginiń menshikti tilshisi.
Qalanyń mańyzdy jerleri, sonyń ishinde parlament pen úkimet ǵımarattary, Sadrıddın Aını atyndaǵy opera jáne balet teatrynyń janyndaǵy alańdar aýqymdy gúl ınstallıatsııalarymen bezendirildi. Qondyrǵylar boıynsha jumystar áli jalǵasyp jatyr, 2 mıllıonnan astam gúl otyrǵyzý josparlanǵan.
Qala ákimshiliginiń aıtýynsha, maqsat — gúlzarlarmen el astanasyn kórkeıtip qana qoımaı, Tájikstannyń qonaqjaılyǵyn da bildirý.
Dýshanbede 8-12 qazan aralyǵynda ótetin mańyzdy saıası oqıǵalarǵa baılanysty kólik qozǵalysy ýaqytsha shektelip, iri saýda ortalyqtary, bazarlar men meshitterdiń jumysy toqtatylady.
Buǵan deıin Qazaqstan Prezıdenti Qasym-Jomart Toqaev 9-10 qazan kúnderi Tájikstan Prezıdenti Emomalı Rahmonnyń shaqyrýymen «Ortalyq Azııa – Reseı» sammıtine jáne TMD memleketteri basshylary keńesiniń otyrysyna qatysý úshin Dýshanbege baratyny jarııalanǵan bolatyn.
