«Dýshanbe - Máskeý» jolaýshylar poıyzynda tájikstandyq úsh azamat geroınmen ustaldy
ASTANA. QazAqparat - Qazaqstan Respýblıkasy UQK Shekara qyzmetiniń «Batys» óńirlik basqarmasyna qarasty «Beıneý» baqylaý-ótkizý beketiniń (Mańqystaý obl) shekara jasaǵy «Dýshanbe - Máskeý» baǵytynda kele jatqan №329 jolaýshylar poıyzyna "Barbı" atty qyzmettik ıttiń kómegimen shekaralyq baqylaý jasaý kezinde bir vagonnyń astyndaǵy sý aǵatyn qubyrdyń ishine jasyrylǵan túıinshekti taýyp aldy.
Ózindik ıisi bar túıinshekti ashqan kezde onyń ishindegi zat «geroın» bolyp shyqty. Jalpy salmaǵyn tarazyǵa salyp eseptegende 535 gramǵa jetip jyǵyldy. Bul iske qatysy bolýy múmkin degen kúdikpen tájikstandyq úsh azamat ustaldy. Quqyq qorǵaý organdary habarlandyrylyp, protsessýaldy jumystar bastaldy , dep habarlaıdy QR UQK ShQ baspasóz qyzmeti.
