«Dýshanbe-Máskeý» poıyzynda bir áıel geroınmen ustaldy
ASTANA. 1 aqpan. QazAqparat /Janna Qorqytova/ - «Dýshanbe-Máskeý» poıyzynda bir áıel geroınmen qolǵa tústi,
dep habarlaıdy QR UQK baspasóz qyzmeti.
Esirtki tasymaldaýshyny quryqtaý 30 qańtar kúni QR UQK shekara qyzmetiniń «Batys» aımaqtyq basqarmasynyń shekara qyzmetkerlerimen júzege asyryldy.
«Dýshanbe-Máskeý» poıyzynda Tájikstan Respýblıkasynyń azamatshasy quryqtaldy. Tintý kezinde onyń jeke zattarynyń arasynan jalpy salmaǵy 865 gramm geroın esirtkisi tabyldy», - delingen taratylǵan aqparatta.
Komıtettiń baspasóz qyzmeti habarlap otyrǵandaı, atalmysh fakti boıynsha tergeý júrip jatyr.
