«Dýshanbe-Máskeý» baǵytyndaǵy poıyzdan 2,5 kelige jýyq geroın tabyldy
ASTANA. QazAqparat - Qazaqstandyq shekarashylar vagon men akkýmýlıator bóliginiń arasynan 2,5 kelige jýyq geroın tapty, dep habarlaıdy QR UQK Shekara qyzmetiniń baspasóz qyzmetinen.
«Beıneý shekara jasaǵy «Beıneý temirjoly» shekara bólimshesiniń shekaralyq narıady «Dýshanbe-Máskeý» qatynasyndaǵy №319 poezdyń besinshi vagonyn qarap tekserý barysynda esirtki zatyn baıqady. Jalpy salmaǵy 2 kılogramm 458 gramm geroın vagon men akkýmýlıator bóliginiń arasynan tabyldy. Olja polıetılen paketine salynyp, skotchpen oralǵan», delingen habarlamada.
Atalǵan fakti boıynsha Mańǵystaý oblysynyń quqyq qorǵaý organdary habarlandy. Aqtaý qalasynyń sottyq saraptama ınstıtýtynda saraptama jasaldy. Tergeý amaldary júrgizilýde.
Sondaı-aq esirtki zatynyń asa iri partııasynyń zańsyz tasymaldanýynyń jolyn kesý merzimdi qyzmettin ótep júrgen qatardaǵy jaýynger Nıkıta Chernolıhtiń jáne onyń tórt aıaqty dosynyń qyraǵylyǵynyń arqasynda múmkin boldy, dep atap ótilgen habarlamada.
