Dýshanbe kóshelerin elektroskýterler patrýldeıdi

ASTANA. KAZINFORM — Tájikstanda el astanasynyń polıtsııa qyzmetkerleri qoǵamdyq tártipti saqtaý úshin patrýldik elektr skýterlerin aldy, dep habarlaıdy Kazinform-nyń Dýshanbedegi menshikti tilshisi. 

— Bul skýterler arnaıy sıgnal jáne dybys berý qurylǵylarymen jabdyqtalǵan, sondaı-aq akkýmýlıatordyń bir zarıadymen 100 shaqyrymǵa deıin júre alady, — dep habarlady ІІM Dýshanbe qalasy basqarmasynyń baspasóz qyzmeti. 

Vedomstvoda zamanaýı qozǵalys quraldaryn paıdalaný el astanasynyń negizgi aýdandarynda quqyq qorǵaý organdarynyń qatysýyn kúsheıtýge jáne qylmysqa jedel den qoıýdy qamtamasyz etýge baǵyttalǵanyn qosyp ótti.

Osyǵan deıin Reseıde samokat máselesi memleket basshysy deńgeıine kóterilgenin jazǵan bolatynbyz. 

Sondaı-aq elimizde elektrli samokattar kólik quraly retinde retteletinin habarladyq.