Dýshanbe Invest–2025-tiń birinshi kúninde-aq Tájikstanǵa 3 mıllıard dollar ınvestıtsııa tartyldy

ASTANA.KAZINFORM — «Dýshanbe Invest–2025» halyqaralyq ınvestıtsııalyq forýmynyń birinshi kúninde Tájikstanda jalpy somasy 3,12 mıllıard dollar bolatyn 26 kelisimge qol qoıyldy, dep habarlaıdy Kazinform agenttiginiń tilshisi. 

Tájikstannyń Investıtsııalar jáne memlekettik múlikti basqarý jónindegi memlekettik komıtetiniń habarlaýynsha, qol qoıylǵan qujattar energetıka, ónerkásip jáne kommýnıkatsııalardy qosa alǵanda, strategııalyq mańyzdy salalardaǵy birqatar iri jobany qamtydy.

Energetıkalyq kelisimder 2,4 mıllıard dollar boldy, bul eldiń jańartylatyn jáne dástúrli energııa kózderindegi joǵary áleýetin rastaıdy.

Ónerkásip salasynda 386 mıllıon dollarǵa toǵyz kelisimge qol qoıyldy. Baılanys kelisimsharttary 333,5 mıllıon dollar boldy. Sondaı-aq memleket pen jeke sektor arasyndaǵy yntymaqtastyqtyń nyǵaıýyn kórsetetin 8,9 mıllıon dollarǵa tórt memlekettik-jekemenshik áriptestik kelisimine qol qoıyldy.

Sonymen qatar, Ekonomıka, saýda jáne mádenı máseleler boıynsha birlesken úkimetaralyq komıssııanyń 5-shi otyrysynda Saýd Arabııasymen eki memorandýmǵa qol qoıyldy. 

Aıta ketelik Qazaqstan Tájikstannan elektr energııasyn ımporttamaq.