Dýshanbe áýejaıy jylyna 8,5 mln jolaýshy qabyldaıtyn bolady
ASTANA. KAZINFORM — Dýshanbe áýejaıynda jylyna 8,5 mıllıon jolaýshyǵa qyzmet kórsetýge arnalǵan jańa halyqaralyq termınaldyń qurylysy bastaldy. Bul týraly Kazinform agenttiginiń Tájikstandaǵy menshikti tilshisi habarlaıdy.
Bolashaq ǵımarattyń irgetasyna sımvoldyq kapsýla salý rásimine Tájikstan prezıdenti Emomalı Rahmon qatysty.
Jańa termınal jylyna 8,5 mıllıon jolaýshyǵa deıin qabyldaı alady. Qurylys jumystaryna bir jarym jyl ýaqyt bólingen.
Tájikstan tarapynyń málimetinshe, qurylysqa júzdegen bilikti maman tartylady. Nysan zamanaýı halyqaralyq standarttarǵa saı bolady dep josparlanyp otyr.
Emomalı Rahmon áýejaı basshylyǵy men jaýapty tulǵalarǵa qurylys jumystaryn sapaly júrgizip, jańa termınaldy belgilengen merzimde aıaqtap, paıdalanýǵa berýdi tapsyrdy.
Buǵan deıin Tájikstan astanasynda Ortalyq Azııadaǵy eń bıik ǵımaratqa aınalatyn, bıiktigi 340 metr bolatyn 77 qabatty záýlim ǵımarattyń qurylysy bastalǵany habarlanǵan edi.
