Dýshanbe áýejaıy jylyna 5 mıllıon jolaýshyǵa deıin qabyldaıtyn bolady

ASTANA. KAZINFORM – Tájikstan astanasyndaǵy Dýshanbe halyqaralyq áýejaıy jańa termınal paıdalanýǵa berilgennen keıin jylyna 5 mıllıon jolaýshyǵa deıin qabyldaı alady. Bul týraly agenttiktiń menshikti tilshisi habarlaıdy.

Baspasóz máslıhatynda «Dýshanbe halyqaralyq áýejaıy» AAQ bas dırektory Zaınýllo Sharıfzoda ishki áýe reısterine arnalǵan eski termınaldyń ornyna jańa termınal salynatynyn málimdedi.

– Jańa termınal jylyna shamamen 3 mıllıon jolaýshyǵa qyzmet kórsete alady. Ol halyqaralyq termınalmen birge áýejaıdyń jalpy ótkizý qýatyn jylyna 5 mıllıon jolaýshyǵa deıin arttyrýǵa múmkindik beredi, – dedi ol.

Onyń aıtýynsha, jobalaý jumystary aıaqtalǵan, qurylys jaqyn arada bastalady. Jańa nysandy eki jyl ishinde paıdalanýǵa berý josparlanyp otyr.

Aıta keteıik, Tájikstanda Starlink spýtnıktik ınternet iske qosyldy.