Durys tamaqtaný degen ne?
ASTANA. QazAqparat - Durys tamaqtaný kezinde de kóptegen taǵamdardan bas tartýǵa týra keledi. Biraq, kúmándanbańyz, adam azǵasy atalǵan taǵamdarsyz-aq óz qalypty saqtaı alady.
Adam sengisiz nátıjesi týraly ýáde berip, eń sońynda densaýlyqty qurtatyn dıetalardan «Durys tamaqtaný júıesiniń» aıyrmashylyǵy qandaı?
Kez kelgen dıeta - bul tamaqtaný ratsıonynan adam aǵzasyna óte qajetti taǵamdardy túgeldeı nemese birtindep alyp tastaý ǵana emes. Erte me, kesh pe, áıteýir, dıetanyń zardabyn tartatyn kún týady. Al dıeta aıaqtalyp, adam kúndelikti tamaqtaný rejımine oralǵan kezde, onymen birge artyq salmaqtar da qaıta oralady. Durys tamaqtaný - bul dıeta emes, salaýatty ómir salty.
Dıeta - óte qıyn nárse. Meıli, belgili bir ýaqytqa bolsa da, dıeta saqtaǵan kezde kóptegen taǵamdardy jeýge ruqsat etilmeıdi. Al durys tamaqtaný júıesindegi qaǵıdalardy ustansańyz, siz tek gazdy tátti sýsyn, fastfýd jáne jartylaı fabrıkattardy jeýden bas tartasyz.
Aryqtaý úshin durys tamaqtaný júıesin saqtaý - bul asa qıyn emes birneshe ereje men mindetterdiń jıyntyǵy. Kez kelgen ádis 40 kún ishinde jasalatyny anyq. Bul erejelerdi saqtaný arqyly siz bir jarym aıda durys tamaqtanýǵa den qoıyp, óz aǵzańyzdy qalypqa keltiresiz. Sonymen, bastaıyq.
Bir stakan ystyq sý - tańertegisin qabyldaıtyn eń birinshi as bolmaq. Meıilinde, taza ystyq sý ishýge tyrysyńyz, sebebi, ystyq sý asqazandy as qaldyqtarynan tazartyp, aǵzadaǵy barlyq júıelerdi birqalypqa keltiredi. Tek qana sý ishpeı, stakanǵa lımon shyryny men bir qasyq baldy, zimbir shyryn men usaqtalǵan korıtsany qosyp jiberseńiz de bolady. Bul qospalar aǵzadaǵy zat almasýdy jaqsartady. Tańǵy asty 15-30 mınýttan soń ishý kerek.
Kúni boıy sý ishýdi qolǵa alyńyz. Eger ruqsat etilse, bir kúndi 2 lıtr taza sý ishken jón. Ár saǵat saıyn bir stakan sý ishýge den qoıyńyz. Sonda siz isinýdiń azaıǵanyn, alqynýdyń joǵalǵanyn, al tamaqqa tábet ashylǵanyn baıqaısyz.
Bala baqshadaǵy sekildi, kúnine 4-5 ret shaǵyn mólsherde tamaqtanýdy úırenińiz. As qabyldaý arasyndaǵy uzaq ýaqyt as mólsheri kóbeıip, tamaqty artyǵymen jegizip, adam aranyn ashyp jiberedi.
Jatar aldynda kóp tamaq jemeńiz. Saǵat keshki 18:00-den soń tamaq ishpeý kerek degen qaǵıdany ustanyp, qarnyńyz ashyp qalmasyn. Eń sońǵy as qabyldaý jatardan úsh saǵat buryn bolýy kerek. Eger siz tún ortasynda uıyqtaıtyn bolsańyz, keshki asty 21-00-de qabyldańyz.
Kerek keńes confederation.kz saıtynan alyndy.
