Durys tamaqtanbaý jasóspirimderdiń densaýlyǵyna qalaı áser etedi

NUR-SULTAN. QazAqparat – Jasóspirimder kóbinese durys tamaqtaný erejesin saqtamaıdy, bul densaýlyqtyń nasharlaýyna ákelýi múmkin. Balalar men jasóspirimder arasynda jemister men kókónisterdi az jeý, kóbinese tátti sýsyndardy iship, táttilerdi jeý ádeti baıqalady, dep habarlaıdy DSM Qoǵamdyq densaýlyq saqtaý ulttyq ortalyǵynyń baspasóz qyzmeti.

QR DSM Qoǵamdyq densaýlyq saqtaý ulttyq ortalyǵynyń ǵylym jáne kásibı damý bóliminiń bas mamany Shynar Abdrahmanova 2020 jyly 4-5 jeltoqsanda Nıderlandydaǵy «Excellence of Pediatrics» Pedıatrııa jónindegi halyqaralyq onlaın konferentsııasynda Qazaqstanda 11-15 jas aralyǵyndaǵy 4864 oqýshyǵa júrgizilgen «Mektep jasyndaǵy balalardyń densaýlyqqa qatysty minez-qulqy», HBSC, saýalnamasynyń nátıjelerin kórsetti.

Kún saıyn tańǵy as ishpeıtin 11-15 jastaǵy jasóspirimder, kún saıyn tańǵy as ishetinderge qaraǵanda, bas aınalýyna, bas aýrýyna jáne ishtiń aýyrýyna eki ese kóp shaǵymdanady eken. Kókónister men jemisterdi aptasyna 5-6 retten az jeıtin jasóspirimderdiń basy jıi aınalady jáne ishi aýyrady. Al aptasyna bolmaǵanda 5-6 ret táttilerdi jeý jasóspirimderdiń basyn aýyrtady eken.

«Durys tamaqtanbaıtyn jasóspirimder arasynda densaýlyqqa qatysty problemalardyń qaýpi artady, sondyqtan qoǵamnyń túrli sektorlarynyń: densaýlyq saqtaý, bilim berý, bıznes, azamattyq qoǵam, BAQ jáne basqa da seriktesterdiń qatysýymen únemi durys tamaqtaný máselesin kóterý kerek», - deıdi Sh.Abdrahmanova.