Durys tamaqtanbaý soqyrlyqqa alyp kelýi múmkin – zertteý
NUR-SULTAN. QazAqparat - Annals of Internal Medicine jýrnalynda Ulybrıtanııanyń Brıstol ýnıversıteti mamandary júrgizgen erekshe zertteý nátıjeleri jarııalandy, dep habarlaıdy Time basylymy. Maqala avtorynyń aıtýynsha, qýyrylǵan kartop, chıpsy, aq nan men shujyq qana tutynǵan jasóspirim soqyr bolyp qalǵan.
«14 jasynda bul bala dárigerlerge jıi sharshap, álsizdik sezinetinin aıtyp shaǵymdanǵan. Oǵan B12 dárýmeni jetispeıtini anyqtalyp, basqa esh problema tabylmaǵan. Sol sebepti balaǵa tek B12 dárýmeniniń ınektsııasy men dıetolog mamanǵa qaralý usynylǵan», dep jazady basylym. Avtordyń aıtýynsha, bir jyldan keıin balanyń boıynda B12 dárýmeni sol kúıinde qalǵan jáne kóziniń kórýi nasharlaı bastaǵan. Mamandar balanyń soqyrlyǵyna onyń tutynǵan dıetasy áser etti degen qorytyndyǵa keldi», - dep jazady basylym.
Avtor maqalada kedeılik keń taraǵan jerlerde durys tamaqtanbaý kesirinen paıda bolǵan soqyrlyq jaǵdaılary jıi kezdesetinin aıtqan. Al durys tamaqtanbaý kesirinen paıda bolǵan soqyrlyq balalar arasynda óte sırek kezdesedi.
«Kózdiń kórýi nasharlaı bastaǵanda ony qalpyna keltirýge bolady. Biraq atalmysh jaǵdaıda bala birneshe jyl boıy durys tamaqtanbaǵan», - deıdi mamandar.
