Dúrligýdiń qajeti joq – Eljan Birtanov medıtsınalyq maskalar jaıly
«Bosqa dúrligýdiń qajeti joq. Maskalar tek aýrý adamdar úshin qajet. Eger karantınde bolsańyz, sizge de kerek. Al qoǵamdyq oryndarda syrqattanǵan adamdar úshin ǵana qajet. Turmystyq maskalar jetkilikti dep esepteımiz. Óndirýshiler shyǵaryp jatyr», - dedi Eljan Birtanov OKQ-da ótken baspasóz máslıhatynda.
Ol sonymen qatar shyǵarylǵan maskalar shetelge satylyp ketpeýi úshin vedomstvo qolǵa alyp jatqan sharalar týraly da aıtyp berdi.
«Taýarlar men qyzmetterdiń sapasy jáne qaýipsizdigin saqtaý boıynsha komıtettiń sheshimimen maskalar shetelge ketpeýi úshin satýǵa tyıym salyndy. Kóptegen elder qorǵaý normalaryn engizip, maskalardyń eksportyn shektep otyr», - dedi mınıstr.
Eske sala ketsek, buǵan deıin Densaýlyq saqtaý mınıstri Eljan Birtanov eldegi medıtsınalyq maskalar men ózge de qajetti quraldardyń kólemi qansha ekenin aıtqan edi.