Dúnıejúzilik jylqy kúni: 56 elden keletin 10 myń salt atty Mońǵolııada bas qosady

ASTANA.KAZINFORM — 2025 jylǵy 3 maýsymda ótken BUU Bas Assambleıasynyń 79-sessııasynda Mońǵolııa Prezıdenti Ýhnaagıın Húrelsýh bastamashy bolǵan «Dúnıejúzilik jylqy kúni týraly» rezolıýtsııa talqylanyp, maquldandy dep habarlaıdy Montsame.

2026 jyly Dúnıejúzilik jylqy kúnine arnalǵan is-sharalardy uıymdastyrýshy el retinde Mońǵolııa alǵash ret 56 elden kelgen 10 myń salt attyny óz aýmaǵynda qabyldaıdy.

Іs-sharalar aıasynda jylqylarǵa qatysty kóptegen baǵdarlama ázirlenip jatyr.

Atap aıtqanda, aldyn ala bes negizgi baǵyt aıqyndaldy: oıyn-saýyq baǵdarlamalary, ıppoterapııa, jylqy kútimi, atqa miný mádenıeti jáne 21 aımaqtan shyqqan dástúr muragerleri.

2013 jyly Mońǵolııa Gınnestiń rekordtar kitabyna ený maqsatynda 3 myń báıge aty qatysqan jarys pen ulttyq kıim, er-turman jáne júgen taqqan 10 myń salt attynyń sherýin uıymdastyrǵan bolatyn.

BUU-nyń Azyq-túlik jáne aýyl sharýashylyǵy uıymynyń baǵalaýynsha, 2023 jyly álemde 60,8 mıllıon jylqy tirkelgen. 

Aıta ketelik Mońǵolııada mal sany 58,1 mln-ǵa jetken edi.