Dúnıejúzilik jaýyngerlik óner oıyndarynda qazaqstandyq samboshylar jeti medal aldy

Saýd Arabııasy astanasy Er-Rııadta ótip jatqan Dúnıejúzilik jaýyngerlik óner oıyndarynda qazaq samboshylary taǵy eki medal jeńip aldy, dep habarlaıdy Kazinform.

Sportty damytý dırektsııasynyń málimetinshe, atalǵan jarystyń aralas komandalyq synynda Elaman Qoıshybaev pen Asyljan Orynbasarova (65 keli) kúmis júldeger atandy. Olar Azııa men Tynyq muhıty aımaǵynan jasaqtalǵan ekinshi qurama sapynda kúsh synasty. Asyljan Eýropa-1 quramasyndaǵy reseılik balýannan jeńilse, Elaman Belarýs sportshysynan keshe jekeleı synda ketken esesin qaıtardy.

Aıta ketsek, Búkilálemdik jaýyngerlik óner oıyndarynda sambodan beldesýler aıaqtaldy. Qazaqstan quramasy 7 palýan alyp kelgen edi.

Olardyń arasynan balýandar jekeleı synda 1 altyn, 1 kúmis pen 3 qolaǵa, al mıkste 2 kúmis júldege ıe boldy.

Eske salsaq, Dúnıejúzilik jaýyngerlik óner oıyndaryna Qazaqstan 9 sport túrinen 53 atletten delegatsııa jasaqtap alyp keldi.