Dúnıejúzilik oıyndarǵa qatysatyn qazaqstandyq karateshiler belgili boldy

ASTANA. KAZINFORM – Bıyl jazda Qytaıdyń Chendý qalasynda ótetin XII Dúnıejúzilik oıyndarda (The World Games) el namysyn qorǵaıtyn karateshiler anyqtaldy. 

QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, baıraqty básekege elimizdiń atynan 6 sportshy qatysady.

Bul qatardaǵy otandastarymyz: 

Móldir Jańbyrbaı (-50 kg) 

Ásel Qanaı (-61 kg) 

Sofıa Berýltseva (+68 kg) 

Qaısar Alpysbaı (-60 kg) 

Dıdar Ámiráli (-67 kg) 

Nurqanat Ájiqanov (-75 kg) 

Aıta keterligi, XII Dúnıejúzilik oıyndarda 96 karateshi júldege talasady. Olar álem chempıonaty jáne reıtıng nátıjesinde irikteldi. Karateden jarys 8-9 tamyzǵa josparlanǵan. 

Qazaqstan quramasy 2022 jyly AQSh-tyń Bırmıngem qalasynda ótken HІ Dúnıejúzilik oıynda 4 medal (1 altyn, 2 kúmis, 1 qola) jeńip alǵan. Nátıjesinde delegatsııa Portýgalııamen birdeı kórsetkish kórsetip, jalpy esepe 37-satyǵa turaqtady. Altyndy Tokıo Olımpıadasynyń qola júldegeri Sofıa Berýltseva (+68 kg) jeńip alǵan.

Osyǵan deıin habarlaǵanymyzdaı, 7-17 tamyz aralyǵynda Qytaıda ótetin HІІ Dúnıejúzilik oıyndarynda olımpıadalyq emes sporttyń 35 túrinen júldeler sarapqa salynyp, álemniń 72 el/aımaǵynan 5 myńnan asa sportshylar qatysady dep josparlanyp otyr.