Dúnıejúzilik oıyndarda Nursultan Dúısenqulov djıý-djıtsýdan kúmis medal aldy
ASTANA. KAZINFORM - Qytaıdyń Chendý qalasyndaǵy XII Dúnıejúzilik oıyndarda djıý-djıtsýdan erler arasynda Nursultan Dúısenqulov (77 keli) kúmis júldeger atandy.
QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, fınalda ol danııalyq Lýkas Andersenge 11:15 esebimen jol berdi.
Otandasymyz fınalǵa deıin taǵy bir kezdesýde Lýkas Andersendi 16:12, Ioro ıAnnık Efrem Zoýzoýany 15:17 esebimen ese jiberip, jartylaı fınalda Persı Kýnsasdan 27:18 esebimen basym túsken edi.
Aıta ketsek, qazirge deıin el quramasynan djıý-djıtsýdan 69 kelide Jánibek Ábý-Bákir 69 keli) chempıon atansa, Aslan Qanatbek (62 keli) úzdik úshtikti túıindedi.
Sondaı-aq el quramasynan karateden 50 kelidegi Móldir Jańbyrbaı kúmis júldege ıe bolǵan edi.
Otandastarymyz atalǵan jarysqa 1993 jyldan beri qatysyp keledi. Qazirge deıin olar 6 altyn, 4 kúmis, 7 qola júlde aldy. Qazaqstandyq sportshylar 2022 jyly AQSh-tyń Alabama shtatynyń Bırmıngem qalasynda 1 altyn, 2 kúmis, 1 qola medalmen ázirge joǵary kórsetkishke qol jetkizdi.
Bıyl jarys 34 sport túrinen ótip, 253 medal jıyntyǵy sarapqa salynady. Aıtýly dodaǵa 17 tamyzǵa deıin 114 elden 4 000 sportshy qatyspaq.
