Dúnıejúzilik oıyndar: Jaýyngerlik sambodan eki otandasymyz chempıondyqqa talasady

ASTANA. KAZINFORM - Qytaıdyń Chendý qalasynda ótip jatqan XII Dúnıejúzilik oıyndarynda jaýyngerlik sambodan jartylaı fınaldyq báseke aıaqtaldy.

Sportty damytý dırektsııasynyń málimdeýinshe, 64 kelidegi Maratbek Rahmetollın 1/2 fınalda álem chempıonatynyń birneshe márte júldegeri, Qyrǵyzstan sportshysy Saıak Barakanovtan aılasyn asyryp, aqtyq fınalǵa joldama aldy. Esep: 4:2.

80 kelidegi Ulbosyn Ádilova 1/2 fınalda Fılıppın ókili ıAp Eıselın Agnesti 2:0 esebimen senimdi túrde jeńdi.

Al, 54 kelidegi Quralaı Qabraıqyzy keshki sessııada qola júlde úshin Akak Ýson qyzymen (Qyrǵyzstan) talasady.

Fınaldyq kezdesýler Astana ýaqytymen 16:00-de bastalady.

Aıta keteıik, otandastarymyz atalǵan jarysqa 1993 jyldan beri qatysyp keledi. 

Qazaqstandyq sportshylar 2022 jyly AQSh-tyń Alabama shtatynyń Bırmıngem qalasynda 1 altyn, 2 kúmis, 1 qola medalmen joǵary kórsetkishke qol jetkizdi.

Bıyl jarys 34 sport túrinen ótip, 253 medal jıyntyǵy sarapqa salynady. Aıtýly dodaǵa 17 tamyzǵa deıin 114 elden 4 000 sportshy qatyspaq.

Eske salaıyq, Qytaıdaǵy Dúnıejúzilik oıyndar kezinde ıtalııalyq sportshy qaıtys boldy.