Dúnıejúzilik kóshpendiler oıynynda Qazaqstan qansha medal alýy múmkin

ASTANA. KAZINFORM – Dúnıejúzilik kóshpendiler oıynyna qazaq sportshylary barlyq 21 sport túrinen qatysady. Sonyń bárinen medal alýdy josparlanǵan. Bul týraly Ulttyq jáne at sporty túrleri ortalyǵynyń qoǵammen baılanys bóliminiń basshysy Qaıyrhan Máýlen aıtyp berdi.

«Kez kelgen úlken sporttyq shara aldynda bapkerler medal sany boıynsha mindetteme alady. Sonyń ishinde kókpardan altyn júlde boljap otyrmyz. Jamby atýdan 4 stıl boıynsha jarys ótedi – onyń ekeýinen kem degende eki altyn alý josparda bar. Qazaq kúresinen qyzdarda 8, erlerde – 8, bas-aıaǵy 16 salmaq dárejesinde jarystar bolady. Sonyń kem degende 70-80 paıyzynda altyn alý josparlanǵan», - dedi Qaıyrhan Máýlen.

Odan bólek, kúrásh, ashtyrmaly aba gıýresh sekildi sport túrlerinen ulttyq quramalar jasaqtalǵan. Toǵyzqumalaq, asyq atý, teńge ilý, aýdaryspaqta da altyn júlde alý kózdelgen.

«Negizgi mindet – jalpy medal jıyntyǵynda Qazaqstannyń birinshi oryn alýy», - dedi Q.Máýlen.

Aıta keteıik, 5-shi Dúnıejúzilik kóshpendiler oıyndary Astana qalasynda 8-13 qyrkúıek aralyǵynda ótedi. Onda sporttyń 21 túri boıynsha 97 medal jıyntyǵy sarapqa salynbaq.

Álemdik dodaǵa 89 elden 2800-ge jýyq qatysýshy keledi dep josparlanyp otyr. Sonymen birge, Astanaǵa 100 myńǵa jýyq týrıst kelýi múmkin.