Dúnıejúzilik kóshpendiler oıyny týraly beınerolık «Webby Award» syılyǵyna úmitker atandy

ASTANA. KAZINFORM — Lonely Planet halyqaralyq baspasynyń Qazaqstanda ótken Dúnıejúzilik kóshpendiler oıyndary týraly beınerolıgi «Webby Award» syılyǵyna úmitkerler tizimine endi. Bul marapatty AQSh-ta «Internet-kontenttiń Oskary» dep jıi ataıdy. 

− Qazaqstanda ótken Dúnıejúzilik kóshpendiler oıyndary týraly beınerolık «Mádenıet jáne ómir salty» sanatynda úzdik qysqametrajdy áleýmettik vıdeo retinde syılyqqa usynyldy. Oǵan National Geographic tárizdi tanymal jeliler de qatysyp jatyr, − dep jazdy «Kazakh Tourism» ulttyq kompanııasy Telegram jelisinde.

Jeńimpaz 17 sáýirge deıin sozylatyn daýys berý arqyly anyqtalady.

Ótken jyly 8-13 qyrkúıek aralyǵynda elordada 5-shi Dúnıejúzilik kóshpendiler oıyndary ótken edi. Jer-jahannyń 90-ǵa jýyq memleketinen kelgen 2500-ge tarta sportshy bir aptaǵa jýyq kóshpendi halyqtardyń tól sportynan synǵa túsip, 97 medal jıyntyǵyn sarapqa saldy.