Dúnıejúzilik kóshpendiler oıyny: Kók bóriden aqtyq synǵa joldama alǵan komandalar belgili boldy
ASTANA. KAZINFORM – Astanada ótip jatqan V Dúnıejúzilik kóshpendiler oıyndarynda kók bóriden aqtyq synǵa joldama alǵan komandalar belgili boldy, dep habarlaıdy Kazinform tilshisi.
Búgin, «Qazanat» ıppodromynda 4 eldiń shabandozdary dodaǵa túsip, nátıjesinde Qazaqstan kók bóri komandasymen Qyrǵyzstan kók bóri komandasy erteńgi ótetin fınaldyq básekege joldama aldy.
Áýeli, qazaqstandyq shabandozdar Túrkııanyń kók bóri komandasyn 15:1 esebimen utty. Kelesi saıys Qyrǵyzstan men Reseı komandalarynyń arasynda ótken edi. Tartys 11:6 esebimen aıaqtalyp, qyrǵyzstandyq shabandozdardyń paıdasyna sheshildi. Qos komanda erteń altyn júlde úshin talasqa túsedi.
«Búgingi oıyn sátti ári nátıjeli ótti. Biz irikteýden ótken, daıyn qarsylastarmen betpe-bet keldik. Oıyn ádil boldy. Erteń fınalda qyrǵyzdarmen jeńis úshin kúresemiz.», - deıdi Qazaqstan quramasynyń shabandozy Sámet Nurbek.
Aıta keteıik, Qazaqstan komandasy kók bóriniń irikteý kezeńinde AQSh-ty 18:0 esebimen utqan bolatyn.
