Dúnıejúzilik kóshpendiler oıyndarynyń jabylý saltanaty kórermensiz ótedi

ASTANA. KAZINFORM – Astanada ótip jatqan Dúnıejúzilik kóshpendiler oıyndary aıaqtalýǵa jaqyn. Erteń, 13 qyrkúıek  kúni ótetin jarystyń jabylý saltanaty kórermensiz ótedi.

Oıyndar dırektsııasy bıýdjettiń qysqarýyna baılanysty sharanyń saltanatty sharalar men kórermensiz hattamalyq formatta ótetinin túsindirdi. Alaıda jabylý saltanatyn qazaqstandyq jetekshi telearnalardan tikeleı efırde kórýge bolady. Uıymdastyrýshylar oıyndardyń jabylýyna arnalǵan bıletter satylymy týraly habar taraǵanyn aıtty. Bıletterdiń satylmaıtyny jáne kez kelgen usynystyń alaıaqtyq ekeni resmı túrde aıtyldy.

«Jabylý rásimi tek qatysýshylarǵa arnalǵan jáne kórermenderdiń qatysýynsyz ótedi», - dep atap ótti uıymdastyrýshylar.

Esterińizge sala keteıik, Dúnıejúzilik kóshpendiler oıyndary aıasynda sportshylar 21 oıyn túri boıynsha baq synasa, etnoaýyldaǵy mádenı baǵdarlamada kún saıyn 100-ge deıin is-shara qamtylǵan. Ulttyq mýzeıde 12 eldiń sarapshylary qatysqan «Kóshpendiler: tarıh, bilim, taǵylym» atty halyqaralyq konferentsııa aıaqtaldy.

8-13 qyrkúıek aralyǵynda Astanada kóshpeli ómirdiń túrli mádenıeti men dástúrin kórsetetin Kóshpendiler oıyndaryna álemniń 89 elinen 2500-ge jýyq adam qatysyp jatyr.