Dúnıejúzilik kóshpendiler oıyndarynyń tumaryna ataý berildi
ASTANA. KAZINFORM — VI Dúnıejúzilik kóshpendiler oıyndarynyń resmı tumary sanalatyn qar barysyna Bataı degen ataý berildi. Bul týraly DKO Halyqaralyq hatshylyǵy habarlady, dep habarlaıdy Kazinform agenttiginiń Bishkektegi tilshisi.
Bataı ataýy mádenı mańyzǵa ıe ekeni atalyp ótti.
Máselen, «Ba» «barys» sóziniń basy. Ol erkindik pen ishki kúshti bildiredi. «Taı» — qyrǵyz tilindegi «taıanych» sóziniń qysqartylǵan nusqasy, ıaǵnı «tireý». Bul ishki kúshti, tepe-teńdikti jáne adamnyń tamyrymen baılanysyn bildiredi. Osylaısha, Bataı ataýy eki sózdi biriktiredi: kúsh jáne tirek — adamnyń shyǵý tegine qurmetpen alǵa jyljý degendi bildiredi.
Buǵan deıin qar barysy 2026 jylǵy Dúnıejúzilik kóshpendiler oıyndarynyń belgisi retinde tańdalǵany habarlanǵan bolatyn.
Esterińizge sala keteıik, VI Dúnıejúzilik kóshpendiler oıyndary Qyrǵyzstanda 2026 jyldyń 31 tamyzynan 6 qyrkúıegine deıin ótedi. Baǵdarlamaǵa sporttyq, mádenı jáne ǵylymı is-sharalar kiredi.
