Dúnıejúzilik kóshpendiler oıyndarynyń medali tanystyryldy

ASTANA. KAZINFORM – Búgin Astanada V Dúnıejúzilik kóshpendiler oıyndarynyń medali tanystyryldy. 

Ony V Dúnıejúzilik Kóshpendiler oıyndaryn daıyndaý jáne ótkizý dırektsııasynyń basshysy Naıl Nurov tanystyrdy.

Medal qola qorytpasynan jasalǵan. Onyń ortasynda kóshpeliler órkenıetiniń belgisi – at ústindegi Kúnbasty adamnyń tańbasy bar. 

«Medaldiń kontýry ulttyq sımvolymyz shańyraq túrinde jasalǵan. Medal taspasy erekshe, serdolık mıneralynyń túsi sekildi. Onda Oıyndardyń ótetin orny men ýaqyty kórsetilgen estelik jazba bar», - dedi spıker. 

Aıta keteıik, Dúnıejúzilik kóshpendiler oıyndary Astanada 2024 jyldyń 8-13 qyrkúıegi aralyǵynda ótedi jáne 21 sport túri boıynsha 89 elden 2 500-ǵa jýyq qatysýshynyń basyn qosady. Osyndaı aıtýly is-shara tek mádenı jáne sporttyq mereke ǵana emes, sonymen qatar balalardyń quqyǵy men ınklıýzııasy týraly negizgi máselelerdi alǵa bastyrýǵa kómektesetin alań bolady.

Eske sala keteıik, buǵan deıin Dúnıejúzilik kóshpendiler oıyndarynda júlde alǵandar qansha syıaqy alatynyn jazǵan edik.