Dúnıejúzilik kóshpendiler oıyndarynyń bastalýyna 30 kún qaldy
2024 jyldyń 8-13 qyrkúıegi aralyǵynda Astanada V Dúnıejúzilik kóshpendiler oıyndary ótedi. Jarysqa álemniń 89 elinen 2 myńnan astam sportshy qatysady. Sporttyq jarystar men mádenı is-sharalarǵa 100 myńnan astam týrıst keledi dep kútilip otyr. Bul týraly V Dúnıejúzilik kóshpendiler oıyndarynyń dırektsııasy habarlady.
Atalǵan dúbirli dodada sporttyń 21 túri boıynsha jarystar ótedi. Olardyń qatarynda at jarysy, ulttyq kúres túrleri, dástúrli zııatkerlik oıyndar, jekpe-jek túrleri boıynsha jarystar, sadaq atý, qustarmen ań aýlaýdyń ulttyq túrleri, at jarystary, halyq oıyndary bar.
Tikeleı Astanada «Kóshpendiler álemi» etnoaýyly ashylady, onda árbir kelýshi qazaq halqynyń mádenıeti men dástúrlerimen, sondaı-aq qatysýshy elderdiń ózindik mádenıetimen tanysa alady.
Kún saıyn etnoaýylǵa elordanyń 10 myńnan astam turǵyny men qonaǵy bara alady. Astanada V Dúnıejúzilik kóshpendiler oıyndary «Uly Dala dúbiri» uranymen ótedi.
Sonymen qatar V Dúnıejúzilik kóshpendiler oıyndary aıasynda 9-11 qyrkúıekte Ulttyq mýzeıde «Kóshpendiler: tarıh, bilim, sabaqtar» atty halyqaralyq ǵylymı-praktıkalyq konferentsııa ótedi. Ol «Tarıh jáne mádenıet», «Sport ǵylymy» jáne «Ortalyq Azııa kóshpendileriniń tamaqtanýy» sektsııalarynan turady.
