Dúnıejúzilik kóshpendiler oıyndary: 9 qyrkúıekte qaı sport túrinen saıystar ótedi
ASTANA. KAZINFORM – Búgin, ıaǵnı 9 qyrkúıek kúni Astana qalasynda V Dúnıejúzilik kóshpendiler oıyndaryna qatysýshy sportshylar 7 sport túrinen synǵa túsedi.
Naqtyraq aıtsaq, kókpar, dástúrli sadaq atý, aýdaryspaq, mas-restlıng, asyq atý, kýrash jáne qazaq kúresinen baseke bastalady.
Kókpar
9 qyrkúıek kókpardan 9 memlekettiń sportshylary ózara myqtyny anyqtaıdy. Bul sport túrinen barlyǵy 104 sportshy qatysady.
Kókpardan baq synaıtyn quramalar: Qazaqstan, AQSh, Reseı, Ózbekstan, Qyrǵyzstan, Vengrııa, Qytaı, Mońǵolııa jáne Túrkııa.
Jarys «Qazanat» ıppodromynda ótedi.
Dástúrli sadaq atý
Búgin «Arǵymaq» at-sport kesheninde dástúrli sadaq atýdan jarys bastalady. Bul synda 33 memleketten 183 sportshy baq synaıdy. Qazaqstan quramasy sapynan 10 sportshy qatysady.
Jarys úsh túrli nysana negizinde ótkiziledi.
Olar:
Pýta nysanasy 70/60 metr (9 oqtan 7 múmkindik);
Qalqan nysanasy 60/50 metr (7 oqtan 7 múmkindik);
Jamby nysanasy 30 metr (5 oqtan 5 múmkindik) jáne komandalyq jarys (30 metr).
Aýdaryspaq
Atalǵan baseke ıppodrom mańyndaǵy etnoaýylda ótedi. Aýdaryspaqtan Kóshpendiler oıyndaryna 9 memleketten, 64 sportshy tirkelgen. Olar: Qazaqstan, Qyrǵyzstan, Ózbekstan, Mońǵolııa, Túrkııa, Vengrııa, Qytaı, AQSh jáne Reseı.
Mas-restlıng
Saha halqynyń ulttyq sporty mas-restlıngten jarysqa 31 memleketten 98 sportshy qatysady. Atalǵan sport túrine Qazaqstan ulttyq quramasy atynan 8 sportshy synǵa túsedi.
Olar – Temirlan Shamet, Asylmurat Birimjan, Vladıslav Gerasımov, Berdiqul Altaı, Erkebulan Erlan, Jansaıa Rahmetýllaeva, Tahmına Gojamberdıeva jáne Olga Dýshaeva.
Mas-restlıng sportynan báseke eki kún bolady.
Qazaqstan namysyn Ermek Quralbaı, Almat Látipbek, Daryn Ótkelbaı, Esimhan Rahmatillá, Syrym Іzbasarov jáne Birjan Qosalıev qorǵaıdy.
Asyq atý
Asyq atýdan synǵa túsetin sportshylar da jerebe tartyp, qarsylastaryn anyqtady. Olar «Alaý» muz aıdyny saraıynda básekege túsedi. Asyq atýdan 12 memleketten kelgen 39 sportshy ózara myqtyny anyqtaıdy.
Asyq atýdan el namysyn 8 asyq atýshy qorǵaıdy. Olar – Nýrkıssa Moljıgıtov, Jomart Nýrlanov, Kerim Jazdyqbaı, Amandos Aıtkulov, Perızat Elemes, Kamıla Danııarova, Sanııa Ásker jáne Kógershin Dýman.
Fınaldyq oıyndar 11 qyrkúıekte ótedi.
Kýrash
«Alaý» muz aıdyny saraıynda ótetin kýrashqa 27 memleketten 106 sportshy qatysady. Atalǵan sport túrinen balýandar erler arasynda bes salmaqta, áıelder arasynda úsh salmaq dárjesinde beldesedi.
El namysyn 8 sportshy qorǵaıdy. Olar – Ernur Súleımen, Aıbek Qazaqbaev, Nurdin Shaımerden, Bekadıl Shaımerdenov, Marat Baıkamýrov, Altynaı Nurhanova, Ajar Salyqova jáne Albına Bahıeva.
Qazaq kúresi
Qazaq kúresi Jaqsylyq Úshkempirov atyndaǵy Jekpe-jek saraıynda ótedi. Kóshpendiler oıyndaryna qazaq kúresinen 41 memleketten 274 sportshy qatysady. Atalmysh sport túrinen erler men áıelderdiń árqaısy 8 salmaq dárejesinde synǵa túsedi.
