Dúnıejúzilik kóshpendiler oıyny – 2026: daıyndyqtyń alǵashqy jospary bekitildi
ASTANA. KAZINFORM — Qyrǵyzstannyń Mádenıet, aqparat jáne jastar saıasaty mınıstri Mırbek Mambetalıevtiń tóraǵalyǵymen qyrkúıek aıynda ótetin Dúnıejúzilik kóshpendiler oıyndaryna daıyndyq boıynsha jumys tobynyń otyrysy ótti. Bul týraly Kabar aqparat agenttigi habarlady.
Otyrys barysynda is-shara ótkiziletin negizgi oryndar, uıymdastyrý máseleleri, oıyndardyń ótý barysy jáne daıyndyq jumystarynyń qazirgi jaǵdaıy týraly aqparattar tyńdaldy.
Sondaı-aq Dúnıejúzilik kóshpendiler oıyndarynyń joǵary deńgeıde uıymdastyrylýyn qamtamasyz etý maqsatynda tıisti memlekettik organdarǵa naqty tapsyrmalar berildi.
Jıynǵa mınıstrdiń orynbasarlary, Dene shynyqtyrý jáne sport jónindegi memlekettik agenttiktiń dırektory Qalybek Moldajıev, Dúnıejúzilik kóshpendiler oıyndarynyń Halyqaralyq hatshylyǵynyń basshysy Nursultan Adenov, bas rejısser Altynbek Maksýtov, sondaı-aq tıisti memlekettik organdar men mekemelerdiń jetekshileri qatysty.
Eske sala ketsek, buǵan deıin Qyrǵyzstanda ótetin kóshpendiler oıyny tizimine qazaqtyń kókpary engenin jazdyq.