«Dúnıejúzilik keńestiń» quramy Izraılmen kelisilmedi — Netanıahý
ASTANA. KAZINFORM — Izraıl premer-mınıstri Bınıamın Netanıahýnyń aıtýynsha, Vashıngtonnyń Gazaǵa arnalǵan beıbit josparynda qarastyrylǵan «Dúnıejúzilik keńestiń» quramymen Izraıl kelisimge kelgen joq. Bul týraly Kazinform agenttigi DW aqparat agenttigine silteme jasap habarlady.
Izraıl úkimeti AQSh-tyń Gaza sektoryn ákimshilik basqarý organy qurylýyn eldiń bıligimen kelispegenin jáne Izraıl memleketiniń saıasatyna qaıshy keletinin málimdedi. Bul týraly premer-mınıstrdiń kantselıarııasy Bınıamın Netanıahýnyń 17 qańtarda áleýmettik jelidegi H paraqshasynda jarııalaǵan málimdemesinde aıtyldy.
The Times of Israel basylymynyń málimeti boıynsha, mundaı málimdeme jasaýdyń sebebi — Túrkııa syrtqy ister mınıstri Hakan Fıdannyń Donald Tramptyń Gaza máselesi boıynsha beıbit josparyna sáıkes qurylǵan organdardyń birinde qatysýy. Buǵan deıin Túrkııanyń syrtqy ister mınıstri Izraıl úkimetin jáne onyń Gaza sektoryndaǵy soǵys júrgizý ádisterin birneshe ret synǵa alǵan bolatyn.
Aldyńǵy kúni Aq úı Gaza sektoryna arnalǵan «Dúnıejúzilik keńestiń» quramyn jarııalady. Bul organnyń qurylýy AQSh prezıdenti Donald Tramptyń palestıno-ızraıldik qaqtyǵysty retteý josparyna negizdelgen. Keńestiń tóraǵasy retinde AQSh prezıdentiniń ózi bolady.
Eske sala keteıik, Izraıl Irandaǵy jaǵdaıǵa baılanysty qaýipsizdik sharalaryn kúsheıtti.
