Ýnıversıada: Aıbota Ertaıqyzy Qazaqstan quramasyna alǵashqy medaldy alyp berdi

ASTANA. KAZINFORM - HHHІІ Dúnıejúzilik jazǵy Ýnıversıadada kórkem gımnastıkadan Aıbota Ertaıqyzy qola júldeger atanyp, qurama qorjynyna túsken alǵashqy medalǵa qol jetkizdi.

Otandasymyz kórkem gımnastıkadan jekeleı syndaǵy taspa jattyǵýynda júldegerler qatarynan kórindi.

Bul jarysta 28.700 upaımen ózbekstandyq Tahmına Ikromova altyn alsa, beıtarap memleket ókili Alına Gornosko 27.850 upaımen ekinshi orynǵa turaqtady.

Al úzdik úshtikti túıindegen Aıbotanyń enshisinde 26.600 upaı bar.

Al taekvondoshy Damır Shýlenov Qazaqstan qorjynyna ekinshi qola medaldy saldy.

Baıraqty básekede el namysyn 12 sport túri boıynsha 76 sportshy qorǵaıdy.

Dúnıejúzilik doda 16-27 shilde aralyǵynda Germanııanyń Reın-Rýr óńirinde ótedi.

Aıta keteıik, 2023 jyly Qytaıdyń Chendý qalasynda ótken HHHІ jazǵy Ýnıversıada da Qazaqstan quramasy 2 altyn, 7 kúmis, 11 qola medal jeńip aldy. Eń joǵary nátıje 2013 jyly Qazan qalasynda ótken Ýnıversıadada tirkeldi. Munda sportshylar 30 medal enshilegen bolatyn.