Dúnıejúzilik densaýlyq saqtaý uıymy QazVac vaktsınasyn qashan tirkeıdi

ASTANA. KAZINFORM – Densaýlyq saqtaý vıtse-mınıstri - memlekettik bas sanıtar dáriger Aıjan Esmaǵambetova otandyq QazVac vaktsınasyn Dúnıejúzilik densaýlyq saqtaý uıymy qashan bekitetinin túsindirdi.

«Dúnıejúzilik densaýlyq saqtaý uıymy tirkeýi úshin bıomassa óndirisinen bastap ydystarǵa quıýǵa deıin vaktsına óndirýdiń tolyq tsıkli qajet ekenin birneshe ret aıttyq. Qazir vaktsınany quıý júıesine qatysty GMP sertıfıkaty bar. Sonymen qatar, ekinshi keshenniń qurylysy aıaqtalýǵa jaqyndady, onyń bazasynda bıomassalyq vaktsına daıyndalady. ıAǵnı qurylys tolyq aıaqtalǵannan keıin, bul qadamdar DDU sertıfıkatyn birneshe baǵyt boıynsha alýǵa múmkindik beredi. Atap aıtqanda, koronavırýs vaktsınasyn ǵana emes, basqa da ekpe shyǵarýǵa sertıfıkat alýǵa yqpal etedi», - dedi A. Esmaǵambetova Senattaǵy baspasóz máslıhatynda.

Jýrnalıster nelikten basqa elderdiń vaktsınalary tez arada Dúnıejúzilik densaýlyq saqtaý uıymynyń ruqsatyn alyp úlgergenin surady.

«Óıtkeni biz zaýyttyń qurylysyn nólden bastadyq. Kez kelgen bıofarmatsevtıkalyq zaýyttyń qurylysy – bul óte joǵary talaptardy talap etetin óte kúrdeli protsess, ol aıtarlyqtaı kóp ýaqytty qajet etedi», - dep túsindirdi Aıjan Emaǵambetova.

Vıtse-mınıstr Qazaqstanda bul jumystyń qysqa merzimde júrgizilgenin aıtty.