Dúnıejúzilik bank Túrkııaǵa qatysty ekonomıkalyq boljamyn jańartty

ASTANA.KAZINFORM - Dúnıejúzilik bank Túrkııa ekonomıkasynyń ósý kórsetkishterin jańartty, dep habarlaıdy Kazinform agenttiginiń menshikti tilshisi.

Іshki suranys pen turaqtandyrý sharalarynyń arqasynda túrik ekonomıkasy tezirek qalpyna kelýi múmkin. Jańartylǵan Eýropa jáne Ortalyq Azııa aımaqtyq boljamyna sáıkes Túrkııa ekonomıkasy 2025 jyly 3,5 paıyz, 2026 jyly 3,7 paıyz, 2027 jyly 4,4 paıyz ósedi.

Bul baǵalar Dúnıejúzilik banktiń maýsym aıyndaǵy boljamynan joǵary, olar buryn tıisinshe 3,1%, 3,6% jáne 4,2% ósedi dep kútken.

Baıandamada boljamnyń jaqsarýy ishki belsendiliktiń kúsheıýine, makroekonomıkalyq saıasatty turaqtandyrý sharalaryna jáne ınflıatsııanyń birte-birte tómendeýine baılanysty ekeni atap kórsetilgen. Sarapshylar sondaı-aq syrtqy faktorlardyń, sonyń ishinde joǵary jahandyq baǵa qubylmalylyǵy men geosaıası táýekelderdiń turaqty qysymyna qaramastan, ınvestıtsııa men eksport ekonomıkalyq ósýdi qoldaýdy jalǵastyratynyn atap ótedi.

Budan basqa, Dúnıejúzilik bank basqa aımaqtarǵa: Eýropa men Ortalyq Azııaǵa, Shyǵys Azııa men Tynyq muhıtyna, Ońtústik Azııaǵa, Taıaý Shyǵys pen Soltústik Afrıkaǵa, Aýǵanstan men Pákistanǵa, Saharanyń ońtústigindegi Afrıkaǵa, Latyn Amerıkasy men Karıb basseınine qatysty boljamdardy jańartty.

Sonymen qatar Túrkııa úshin jańartylǵan boljam halyqaralyq qarjy ınstıtýttarynyń eldiń kúrdeli jahandyq ekonomıkalyq ortaǵa beıimdelý jáne orta merzimdi perspektıvada turaqty ósýdi saqtaý qabiletine degen senimin kórsetedi.

Túrkııanyń aýylsharýashylyq ınfraqurylymyn jańǵyrtý úshin Dúnıejúzilik bankten 1 mıllıard eýrodan astam qarjy bólgeni týraly buǵan deıin habarlaǵan edik.

Túrkııa Ortalyq bankiniń rezervi rekordtyq 180,1 mıllıard dollarǵa jetti.