Dúnıejúzilik bank Palestınaǵa keltirilgen shyǵyndy 14-20 mlrd dollarǵa baǵalady

ASTANA. KAZINFORM – Palestına aýmaǵyndaǵy áskerı áreketterdiń saldarynan kelgen shyǵyn 14-20 mlrd dollardy qurady. Bul týraly Dúnıejúzilik bank (DB) prezıdenti Adjaı Banga málimdedi, dep habarlaıdy TASS aqparat agenttigi.

Banga Reuters agenttiginiń tilshilerine bergen suhbatynda «Dúnıejúzilik banktiń BUU jáne EO-men birlesip júrgizgen baǵalaýyna sáıkes» Palestınadaǵy múlikke keltirilgen zalal qazir «14-20 mlrd dollarǵa jaqyn» ekenin atap ótti.

«Bul soǵystan bolǵan ekonomıkalyq shyǵyn kóbinese onyń qanshalyqty taralatynyna baılanysty. Eger ol taralmasa, bul jahandyq ekonomıkalyq júıege az zııan keltirýi múmkin, óıtkeni Gaza sektory men Palestına jahandyq ekonomıkaǵa salystyrmaly túrde az úles qosýda», - dep atap ótti ol.

Palestına memleketiniń premer-mınıstri Muhammed Mustafa 12 qyrkúıekte The Washington Post gazetinde jarııalanǵan maqalasynda Gaza sektoryndaǵy qıraýlar men adam shyǵynynyń aýqymy buryn-sońdy bolmaǵan jaǵdaıǵa jetkenin atap ótti.

Onyń pikirinshe, qalpyna keltirý halyqaralyq deńgeıde orasan zor kúsh-jigerdi qajet etedi.

Eýropalyq keńestiń buǵan deıin habarlaýynsha, Brıýssel Izraıl qorǵanys kúshteriniń (IDF) BUU-nyń Lıvandaǵy ýaqytsha kúshterine (UNIFIL) jasaǵan shabýyldaryna qatysty erekshe alańdaýshylyq bildirdi.

Osyǵan deıin Lıvannyń soltústigindegi aýylǵa jasalǵan soqqydan 20-dan astam adam qaza tapqany týraly jazdyq.