Dúnıejúzilik bank Ózbekstan ekonomıkasynyń ósimin 5,8% deńgeıinde boljap otyr

TAShKENT. KAZINFORM – Eýropa men Ortalyq Azııa elderiniń ekonomıkalyq damýyna taldaý jasalǵan «Jahandyq ekonomıkalyq perspektıvalar» atty Dúnıejúzilik banktiń baıandamasy jarııalandy, dep habarlaıdy Kazinform agenttiginiń menshikti tilshisi.

Dúnıejúzilik bank ekonomısteriniń baǵalaýyna saı, byltyr Ózbekstannyń jalpy ishki ónim kólemi 6%-ǵa ósken. Atalǵan uıym 2025 jyly kórshiles eldiń ekonomıkasy — 5,8%, al 2026 jyly 5,9%-ǵa ósýi yqtımal ekenin boljap otyr.

Eske salaıyq, byltyr Ózbekstannyń jalpy ishki ónim kólemi 115 mlrd dollarǵa jetti. Bul rette sheteldik ınvestıtsııalar kólemi 1,6 ese artyp, 35 mlrd dollardy shamalady.

Buǵan deıin habarlaǵanymyzdaı, Ózbekstannyń Dúnıejúzilik saýda uıymyna qosylý protsesi aıaqtalýǵa jaqyn.

Sonymen qatar, bıyl resmı Tashkent $43 mlrd ınvestıtsııany ıgerýdi josparlap otyr.

Munymen birge, byltyr Qazaqstannan Ózbekstanǵa 800 mln dollarǵa jýyq aqsha aýdarylǵan.