Dúnıejúzilik bank: Qazaqstan baılyǵynyń 10 paıyzyn salyq jeńildikteri jutyp jatyr

  Dúnıejúzilik banktiń Qazaqstandaǵy turaqty ókili Andreı Mıhnev Qazaqstan salyq jeńildikterine tym kóp shyǵyn jumsap jatqanyn aıtty, dep habarlaıdy QazAqparat tilshisi.

«Biz memleket qarajatyn durys basqara Almaǵan Grekııa, Argentına sııaqty elderdiń jaǵymsyz tájirıbesin bilemiz. Bul qarapaıym otbasy bıýdjetine uqsas. Eger otbasylyq shyǵyndar onyń resýrsynan asyp ketse, turmys quldyraı bastaıdy. Sonyń saldarynan boryshtardy óteý múmkin bolmaı ketedi. Ekonomıkada da dál osylaı», - dedi ol Dúnıejúzilik banktiń Qazaqstannyń bıýdjet saıasatyn taldaǵan sholý tanystyrylymynda.

Dúnıejúzilik bank sarapshylaryn eldegi áleýmettik shyǵyndardyń toqtaýsyz ósip jatqany alańdatyp otyr.

«Kez kelgen eldiń damý baǵytyn bıýdjet saıasaty aıqyndaıdy. Bıýdjet saıasatyn tabysty iske asyryp jatqan elder bar ma dep surap otyrsyz ǵoı. Bul máselege uzaq merzimde qarap kóreıik. Mysaly, Qazaqstanda qandaı jaǵdaı bolyp jatyr? Mundaı ońtaılandyrý problemasy bar. Bizdiń sholýda Qazaqstannyń áleýmettik baǵyttarǵa óte kóp shyǵyn jumsaıtyny alańdatady. Eldiń jalpy ishki óniminiń 8 paıyzy salyq jeńildikterine ketip jatyr. Bul negizi bıýdjettiń shyǵysy bolyp esepteledi. Bul aqshanyń bári belgili bir salalarǵa kásiporyndar ashýǵa kómektesedi. Ol kompanııalar tıimdi bolýy da múmkin, tıimsiz bolýy da múmkin. ıAǵnı, eldiń baılyǵynyń 10 paıyzdaıy salyq jeńildikterine jumsalyp jatyr», - dedi Andreı Mıhnev.