Dúnıejúziniń úzdik 184 hokkeıshisi Torontoda ótetin Álem kýbogyna qatysady
ASTANA. QazAqparat - Búgin, 17 qyrkúıekte Ulttyq hokkeı lıgasy (UHL) aıasynda halyqaralyq hokkeı federatsııasynyń (IIHF) jáne UHL oıynshylary qaýymdastyǵynyń qoldaýymen Álem kýbogy bastalady.
Bul týrnırde segiz qurama komanda baq synaıdy.
Barlyq matchtar osynyń aldyndaǵy, 2004 jylǵy Álem kýbogynyń fınalyn qabyldaǵan Torontadaǵy "Eır Kanada-ortalyq" arenasynda ótedi.
Osy jyly uymdastyrýshylar Kanada jáne álem kýbogy oıyndaryna dástúrli túrde qatysatyn kúshti alty quramany - alań ıelerin, AQSh, Reseı, Shvetsııa, Fınlıandııa jáne Chehııany shaqyryp otyr, dep habarlaıdy TASS.
Al Soltústik Amerıka men Eýropanyń birlesken komandasy olardyń qataryna tuńǵysh ret qosylatyn boldy.
Sonymen, týrnırde 14 eldi tanytatyn álemniń barlyq úzdik oıynshylary kúsh synasady.
Eýropa komandasyna Germanııa, Slovakııa, Shveıtsarııa, Frantsııa, Danııa, Slovenııa, Avstrııa jáne Norvegııa hokkeıshileri kirip otyr.
Aldaǵy básekede oıynshylardyń ortasha deńgeıi 2014 jyly Sochıde 12 komandanyń qatysýymen ótken olımpıadalyq týrnırden de kúshtirek bolmaq. Onda Germanııa men Danııanyń UHL-daǵy ókilderi bolmaǵan edi.
