Dúnıejúziniń muraǵattarynda qazaq tarıhyna qatysty beımálim derekter jeterlik - Baýyrjan Jaqyp
«Elimizde «Mádenı mura» baǵdarlamasy boıynsha qanshama ister júzege asty. Orys, qytaı, parsy, arab tilderinde jazylyp qaldyrylǵan kóptegen qazaq tarıhyna qatysty jádigerler jınaqtalyp, kitap bolyp jaryq kórdi. Biraq bul áli tolyq atqarylǵan is emes. Dúnıejúziniń kóptegen muraǵattary men mýzeılerinde qazaq tarıhyna qatysty áli kóp beımálim derekter jeterlik. Sondyqtan «Arhıv -2025» jeti jyldyq baǵdarlamasyn júzege asyrý arqyly búkil zııaly qaýym ókilderi tarıhymyzdyń aqtańdaqtaryn ashýǵa múmkindik alyp otyr», - deıdi Baýyrjan Jaqyp.
Sondaı-aq, tanymal jýrnalıst «Dala folklorynyń antalogııasyn» jasaýǵa Qazaqstan Jazýshylar Odaǵy tikeleı aralasatynan aıtty.
«Kóptegen ertegilerimiz ben lıro-epostyq jyrlarymyzdyń, batyrlyq jyrlar men maqal-mátelderdiń, ańyzdar men qıssalardyń áli de halyq nazaryna usynylmaǵan, álem oqyrmanyna beımálim nusqalary barshylyq. Bul iste Qazaqstan Jazýshylar odaǵy negizgi kúsh-qaırat kórsetýi kerek. Túrkologtardyń dúnıejúzilik kongresin 2019 jyly Astanada ótkizýdiń naqty belgilenýi - kóp jańa ǵylymı júıeli isterdiń júzege asýyna serpin bereri sózsiz», - deıdi qalamger.
Sóz sońynda Baýyrjan Ómirjanuly «Uly dalanyń jeti qyry» baǵdarlamalyq maqalasynda kórsetilgen jobalardyń júzege asýy arqyly barsha álemge ózimizdiń Uly dala Eli ekendigimizdi dáleldeıtin tarıhı damýymyzdaǵy jańa kezeń bastalyp otyrǵanyn atap ótti. Ol sondaı-aq, árbir zııaly qazaq azamaty Elbasy maqalasyndaǵy kórsetilgen baǵyttardyń is júzine asýyna barynsha qaırat kórsetip, úles qosýy kerek dep sanaıtynyn jetkizdi.
