​Dúnıejúzilik jazǵy Ýnıversıada: Qazaqstan týyn dzıýdoshy Qablan Nursultan kóterip shyǵady

ASTANA. QazAqparat – 28 shildede Qazaqstannyń stýdentter quramasy Ýnıversıadanyń basty stadıony – Chendý qalasynyń (Qytaı) Dýnanhý sport parkinde ótetin Dúnıejúzilik jazǵy Ýnıversıadanyń ashylý saltanatyna qatysady, dep habarlaıdy QazAqparat Ǵylym jáne joǵary bilim mınıstrligine silteme jasap.

Dástúr boıynsha, saltanatty sherýde ár eldiń delegatsııasyn tý ustaýshylar bastaıdy. Bıylǵy Ýnıversıadada Qazaqstan quramasynyń týyn Y. Altynsarın atyndaǵy Arqalyq pedagogıkalyq ınstıtýtynyń 3-kýrs stýdenti, 19 jastaǵy dzıýdoshy Qablan Nursultan ustap ótedi.

Nursultan dzıýdomen 2013 jyldan bastap aınalysa bastady. Onyń qorjynynda 12-den astam júldeli oryn bar. Olardyń ishinde: jasóspirimder arasynda dzıýdodan QR Chempıonatynda 1-oryn, jasóspirimder arasynda dzıýdodan Azııa chempıonatynda 3-oryn, akademık Q. Sátbaevty eske alýǵa arnalǵan dzıýdodan halyqaralyq týrnırde 2-oryn, qazaq kúresinen «Jas Barys» respýblıkalyq týrnırinde 1-oryn jáne t.b.

Búgingi tańda Nursultan Dzıýdodan QR sport sheberi, dzıýdodan Qazaqstan ulttyq jáne jastar quramasynyń múshesi.