Dúnıejúzilik uıymnyń Aýsyl boıynsha sýbóńirlik úılestirý keńsesi Astanada qurylady

ASTANA. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń Úkimeti men Janýarlardyń saýlyǵy jónindegi dúnıejúzilik uıym arasyndaǵy Janýarlardyń saýlyǵy jónindegi dúnıejúzilik uıymnyń Aýsyl boıynsha sýbóńirlik úılestirý keńsesin Astana qalasynda qurý týraly kelisimdi ratıfıkatsııalaý týraly» QR Zańyn qabyldady.

Aýyl sharýashylyǵy mınıstri Asyljan Mamytbekovtyń aıtýynsha, 2013 jyldyń 16 qazanynda Astana qalasynda jasalǵan kelisimge sáıkes, elordada janýarlardyń aýsyl aýrýy boıynsha sýbóńirlik úılestirý keńsesi qurylady. Halyqaralyq keńse jumysy aýsyl aýrýyna baqylaýdy kúsheıtýge, aımaqtyq deńgeıde osy aýrýmen kúresý boıynsha strategııa men biryńǵaı ádistemeler jasaýǵa baǵyttalǵan.

Budan bólek, Astanada qurylatyn keńse Halyqaralyq epızootııalyq bıýronyń arnaıy jáne aımaqtyq komıssııalarymen birlese otyryp, aýsylmen kúresý boıynsha Ortalyq Azııa aımaǵy aýmaǵynda veterınarııalyq qyzmetterdi biriktirýdi qamtamasyz etedi. Sonymen qatar keńse janynan aýsyl aýrýyna qarsy egiletin vaktsına bankin qurý kózdeledi. Bul rette Ortalyq Azııa respýblıkalary úshin vaktsınalaý maqsatynda aýsylǵa qarsy sapaly ekpeler satyp alýǵa bıýro jyl saıyn grant bólýdi qarastyrady.

Eske sala keteıik, Qazaqstan 1993 jyldan bastap Halyqaralyq epızootııalyq bıýronyń múshesi bolyp tabylady, al 2003 jyly Halyqaralyq epızootııalyq bıýronyń ataýy Janýarlardyń saýlyǵy jónindegi dúnıejúzilik uıym bolyp ózgergen bolatyn.

Parlament qabyldaǵan zań Memleket basshysynyń qol qoıýyna joldanady.