Dúnıejúzilik týberkýlezge qarsy kúres kúnine arnalǵan is-sharalar uıymdastyrylady
ASTANA. 18 naýryz. QazAqparat - Osy aptada QR Densaýlyq saqtaý mınıstrligi oblys ákimdikterimen birlese otyryp, 24 naýryzda ótkiziletin Dúnıejúzilik týberkýlezge qarsy kúres kúnine arnalǵan is-sharalar uıymdastyrýdy josparlap otyr. Bul týraly búgin Astanada QR Prezıdenti janyndaǵy ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Týberkýlezge qarsy kúres densaýlyq saqtaý salasyndaǵy memlekettik saıasattyń asa mańyzdy baǵyty bolyp tabylady. Bul salada problema joq emes, bar. Degenmen, týberkýlezge qarsy kúres qyzmeti sońǵy 5 jylynda ókpe aýrýyna shaldyqqan halyq sany 34,9 paıyzǵa tómendep, osy derttiń saldarynan ólim deńgeıi 57,4 paıyzǵa tómendep otyr», dedi resmı ókil.
2013 jyly elimizdegi ókpe aýrýyna qarsy kúres Dúnıejúzilik densaýlyq saqtaý uıymymen birlese otyryp, «Ázirge tiri turǵanymda, týberkýlezdi toqtatyńdar!» atty bastamamen óziniń oń jalǵasyn tappaq.
