Dúnıejúzilik shahmat olımpıadasy: Qazaqstandyq jasóspirim «altyn» aldy

ASTANA. QazAqparat – Ázerbaıjanda ótken 16 jasqa deıingi jasóspirimder arasyndaǵy dúnıejúzilik shahmat olımpıadasyna Qazaqstan quramasy qatysty. Bul týraly QazAqparat Mádenıet jáne sport mınıstrligine silteme jasap habarlaıdy.

Jarys qorytyndysy boıynsha Saýat Nurǵalıev jeke esepte altyn medal jeńip aldy, al Imanǵalı Aqylbaı qola júldeger atandy. Búgin jarys júldegerlerimen Mádenıet jáne sport mınıstri Dáýren Abaev kezdesti.

«Kóptegen iri halyqaralyq jarystarda qazaq shahmatshylary jeńis tuǵyrynan kórinip kele jatqany qýantady. Jasóspirimder arasyndaǵy dúnıejúzilik shahmat olımpıadasy da sonyń aıqyn dáleli. Bul jetistik - balalardyń, jáne olardyń jattyqtyrýshylary men federatsııanyń aýqymdy ári qajyrly jumysynyń nátıjesi. Dál osyndaı jeńis shahmatpen aınalysýǵa túrtki bolyp, jetkinshekterimizdi jigerlendiredi», - dedi Dáýren Abaev.

Aıta keteıik, jalpy komandalyq esepte qazaq sportshylary Úndistan men Irannyń komandalaryn basyp ozyp, tórttikke kirdi.