Dúnıejúzilik poshta odaǵynyń jarǵysyna qosymsha hattama qabyldandy - Parlament
ASTANA. 28 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Dúnıejúzilik poshta odaǵynyń Jarǵysyna Jetinshi qosymsha hattamany ratıfıkatsııalaý týraly» zańyn qabyldady.
Esterińizge sala keteıik, Dúnıejúzilik poshta odaǵy BUU-nyń mamandandyrylǵan mekemesiniń mártebesi bar halyqaralyq uıym bolyp tabylady. Al Odaqtyń Jarǵysyna Jetinshi qosymsha 2004 jylǵy 5 qazanda Býhareste jasalǵan.
Jarǵyǵa engizilgen tolyqtyrýlar boıynsha Poshta qyzmeti bolyp - kólemin Odaq organdary aıqyndaıtyn barlyq poshta qyzmetteri belgilenedi. Bul qyzmetterge qatysty negizgi mindettemeler múshe elderdiń belgili bir áleýmettik jáne ekonomıkalyq mindetterdi oryndaýyn bildiredi ári bul poshta jóneltilimderin qabyldaýmen, suryptaýmen, jiberýmen jáne jetkizýmen qamtamasyz etiledi. Biryńǵaı poshta aýmaǵy - Odaq aktilerine sáıkes, ýaǵdalasýshy taraptarǵa júkteletin, tranzıt erkindigin qosa alǵanda jazbasha hat-habarlar jóneltilimderin ózara qamtamasyz etedi.
Zań Memleket basshysynyń qol qoıýyna jiberiledi.
