Dúnıejúzilik poshta odaǵyna Qazaqstan qansha jarna tólep jatqany belgili boldy
Búgin Májilistiń jalpy otyrysynda «Dúnıejúzilik poshta odaǵynyń Jarǵysyna Toǵyzynshy qosymsha hattamany ratıfıkatsııalaý týraly» zań jobasyn talqylaý barysynda depýtattar tólenetin jarna somasy týraly saýal qoıdy.
Májilis depýtaty Tatıana ıAkovlevanyń atap ótýinshe, Dúnıejúzilik poshta odaǵyn jarǵysynyń 21 baby múshelik jarna tóleýdiń tártibin aıqyndaıdy. Bul bapqa sáıkes, odaqtyń shyǵyndary jarna túrinde múshe elder arasynda bólinedi.
«Múshelik jarna segiz sanatqa jiktelgen jáne odaqqa múshe elder jarna sanatynyń bireýin tańdap alady. Osyǵan baılanysty Qazaqstan jyl saıyn atalǵan uıymǵa qansha jarna tóleıdi jáne bul tólem qalaı esepteledi? Bul odaqqa múshelik Qazaqstanǵa qandaı artyqshylyq beredi?», - dep surady depýtat.
Óz kezeginde Tsıfrlyq damý, ınnovatsııalar jáne aeroǵarysh mınıstri Asqar Jumaǵalıev jarna 46 myń shveıtsarııa frankyn quraıtynyn atap ótti.
«Búginde osy uıymǵa tómengi tólemdi salyp otyrmyz. Bul birinshiden bizge daýys berýge múmkindik beredi jáne basqa de memlekettermen qatar turyp sheshim qabyldaı alamyz. Biz osy jarnanyń qunyn kóterýdi josparlap otyrǵan joqpyz. Sebebi, mınımaldy tólemniń ózi osy uıymdaǵy barlyq negizgi qyzmettik múmkindikterdi júzege asyrýǵa jol ashyp otyr», - dedi mınıstr.
Budan buryn habarlanǵandaı, Parlament Májilisiniń jalpy otyrysynda «Dúnıejúzilik poshta odaǵynyń Jarǵysyna Toǵyzynshy qosymsha hattamany ratıfıkatsııalaý týraly» zań jobasyn maquldady.
Osy hattamamen Dúnıejúzilik poshta odaǵy Jarǵysyna poshta aýmaǵynda barlyq joldamalardyń ózara almasýyn jeńildetýge arnalǵan normalar, Konventsııa jáne Reglamenttegi normalarmen sáıkestendirý, sondaı-aq qaıtalanatyn sıpattaǵy normalardy alyp tastaý qarastyrylǵan